Turjej/Tauer. Statistika cłonkow dol­no­łužyskeje Domowiny móžo se daś wiźeś, ale pśi źěle z towaristwami dajo weto deficity – jo na głownej zgromaźinje župy pětk tyźeń gronił župan Harald Końcak (něnto něgajšny) we rozpšawje (Bericht) wót źěła pśedsedarstwa. Towaristwa su na měsće, doma, wjelgin aktiwne, kužde na swójom pólu, ale interesa za druge serbske temy źaržy se pla někotarych we granicach. Gaž su wjelike swěźenje, kaž łoni w Janšojcach, tam móžoš se na nje spušćiś, wóni gótuju w bogatej licbje sobu. Wacej pak jo śěžko je gromadu dostaś a zwězanosć mjazy nimi wukšuśiś. „Su-li naše docakowanja, ak su zapisane we dogronach, pśewusoke?“ jo Końcak zjawnje pšašał a pšosył wjedniki towaristwow, aby zjawili župje swójo měnjenje a naraźenja, kak mógali tu situaciju pólěpšyś.