Chóśebuz/Cottbus. Wšake organizacije a institucije se staraju wó wuběgańcach, kótarež pśidu k nam. Jadna z nich jo Agentura dobrowólnych w Chóśebuzu (Freiwilligenagentur Cottbus). Wóna žycy sebje pódpěru! Tuchylu by rada měła pomoc dobrowólnych na tśich pólach.

K jadnomu pytaju za zagrodnikarjami w Strobicach. Pomogarje deje tam jaden dwór a zagrodu sobu wugótowaś. W Knorawje trjebaju pśipomocne ceptarje (Nachhilfelehrer). W cełem měsće su pomocnikarje pśi pśeśěgach notne. Wušej togo jo planowane, źěłarnistwo za reparěrowanje kólasow w zgromadnjem pśebytku wugótowaś.