Wustawadlišćowy swěźeń pla cołnarnje Rehnus z twarjenim stoga a cołnowym korso

Awtor: Marion Hirche srjoda, 24. awgust 2016
Na wustawadlišćowem swěźenju pla cołnarnje Rehnus su cłonki domowniskego a drastwinego towaristwa pokazali, kak se stog twari. Fośe: Hirchowa

Bórkowy/Burg. Wustawadlišćowy swěźeń pla cołnarnje Rehnus w awgusće ma južo tradiciju. Na programje stoje twarjenje stoga, cołnowy korso, dobra jěza a słuchanje na muziku. Ned na zachopjeńku su se gósći źiwali dla drugeje mamineje rěcy Dolnołužycanarjow, dla serbskeje rěcy. Pó krotkem pśiwitanju w serbskej rěcy jo se pśizamknuło wjele informacijow wó Bórkowach, wó nałogach a powěsćowych figurach w moderaciji. Paralelnje k tomu su cłonki domowniskego a drastwinego towaristwa w źěłowej drastwje zachopli z twarjenim stoga. Dopołdnja su z wjele nazgónjenim natwarili pěś mejtari wusoku kopicu sena, stog.

Pón su rybakarje na rěźe byli: Alexander Wach wót Zjadnośeństwa serbskich błośańskich rybarjow jo gromaźe z drugimi młodymi muskimi demonstrěrował to, což su wót swójich nanow a starych nanow nawuknuli: łojenje z wlaceńskeju seśu. Na kóńcu jo był njeglědajucy krotkeje demonstraciskeje cery wjelicny šćipjeł w seśi, z cymž su wubuźili źiwanje wjelikeje mani luźi.

artikel pógódnośiś
(0 )
Pšosym zalogujśo se, cośo-li komentar dodaś
 

Pśiźo k Wam do domu z postom
abo roznosowaŕ Wam jen pśinjaso

  • nejnowše powěsći wót serbskego žywjenja
  • tšojenja, reportaže, portreje, měnjenja
  • ze serbskich jsow a z města
  • wót 26,40 € na lěto

Nowy Casnik skazaś


połny pśistup za Nowy Casnik online a za e-paper

  • cełe wudaśe k lazowanju online
  • archiw slědnych wudaśow
  • fotografije woglědaś, artikele komentěrowaś
  • wót 14,40 € na lěto (za abonentow śišćanego wudaśa jano 9 €)

Nowy Casnik online skazaś