W lěśe 2013 běšo Domowina gromaźe z pjerwjejšnymi wobydlarjami z Liškowa, z Vattenfallom, z městom Chóśebuz a drugimi załožyli a wuswěśili gódne wopomnišćo za Liškow. Tu serbsku wjas běchu 1976/77 a 1983/84 za wuglowu jamu Chóśebuz-pódpołnoc wótbagrowali. Něnto pak jo ten pomnik na kšomje wugloweje jamy w tšachośe. Eksperty ga su zwěsćili, až pón, gaž buźo se do jamy pušćiś wóda za chóśebuski jazor, móžo se zemja teke tam wótsuwnuś, źož jo wopomnišćo. Togodla dej se južo něnto pytaś nowe městno. Domowina a jeje župa Dolna Łužyca buźo togodla něnto z Liškowarjami a z městom, na kótaregož gruntach to jazoro buźo, pytaś za móžnosćami, źo by mógał liškojski pomnik we pśichoźe stojaś.
Župa jo pśistupiła CIOF