Nowe šulske lěto jo se zachopiło a z tym wótnowotki diskusija wó tom, co jo w šulach dobrego a co by dejało lěpjej byś. Teke wó tom, kak se serbska rěc w šulach rowno tak ako w źiśownjach Dolneje Łužyce wucy, jo pśecej to grono w młogich gremijach a pśi młogich góźbach. Tak ako něnto wó Dolnoserbskem gymnaziumje. Teke Domowina se za to interesěrujo, aby mógała serbske šulstwo pódpěrowaś a dalej doprědka spóraś. We tom ga wiźi swój wjelgin wažny nadawk, spěchowaś serbsku rěc w Dolnej a Górnej Łužycy.