Bajki z Pytkom w muzeju – wulicowane a zespiwane

Awtor: Stefanie Krawcojc srjoda, 26. oktober 2016
Bernd Pittkunings w Dešańskem muzeju. Foto: S. K.
Zachadny stwórtk jo Domowniski muzej w Dešnje pšosył na bajkowe wótpołdnjo. Pśišło jo 15 źiśi a jich mamy abo stare starjejše. Wóni su njesćerpnje cakali na Pytka, wón ga jo źiśam wu nas derje znate. Nejžpjerwjej jo wón se pśedstajił w serbskej a nimskej rěcy a zachopił swój program z małkeju štucku – swóju gitaru ga jo zawěsće sobu měł. Dalej jo gronił, až jo Serb – ale až jano mało woglědarjow rozmějo tu rěc a až buźo togodla zwetšego nimski powědaś – lěcrownož lubjej na serbski wulicujo. A co jo była tema togo zarědowanja? Jěza jo stojała w srjejźišću. Toś njejo pśechwatanje było, až prědne tšojenje jo było to wó Hanzku a Gretce. Paprjeńcowy dom ga kužde góle lubujo. Na to jo pśišła bajka wót wužowego krala. Tam źo wó to, až wužowy kral pśižo cesto góletkoju a žerjo jogo w mloce mucku. Ako źěk dostanjotej mama a góle złotnu kronu togo wuža. Wšykne bajki togo wótpołdnja njamógu nalicyś – z nimskeje, serbskeje, z orienta, afriki a estniskeje kultury. Rědnje jo było, až Pytko jo te bajki raz wulicował, raz spiwał. Wón jo pšosył swóje pśisłucharje, aby sobu spiwali. Za to jo se spiw wót bomsow derje góźeł.
artikel pógódnośiś
(0 )
Pšosym zalogujśo se, cośo-li komentar dodaś
 

Pśiźo k Wam do domu z postom
abo roznosowaŕ Wam jen pśinjaso

  • nejnowše powěsći wót serbskego žywjenja
  • tšojenja, reportaže, portreje, měnjenja
  • ze serbskich jsow a z města
  • wót 26,40 € na lěto

Nowy Casnik skazaś


połny pśistup za Nowy Casnik online a za e-paper

  • cełe wudaśe k lazowanju online
  • archiw slědnych wudaśow
  • fotografije woglědaś, artikele komentěrowaś
  • wót 14,40 € na lěto (za abonentow śišćanego wudaśa jano 9 €)

Nowy Casnik online skazaś