Z jasnym zejgraśim 1: 5 pla wjeducego mustwa FC Energija Chóśenuz su balokoparki SV Hochoza zakóńcyli sezonu wokrejsneje ligi. Toś to zejgraśe njejo było njewócakowane, za to pak basnicka. Na kšomje slědnego grajnego dnja ga jo se rozšyrjowała powěsć, až su zagronite kopańcowego wokrejsa Dolna Łužyca krotkodobnje póstajili grajny cas wó jadnu tśeśu rundu pódlejšyś.

Dokulaž deje teke žeńske, analognje muskecemu grajnemu sytemoju tamrundu w nazymje a slědk­rundu w nalěśu pśiducego lěta wugraś, jo za nalěto 2017 tak pomjenjona pśemósćeńska runda w rozgronje. Až dotychměst su žeńske swóje dypkowe graśa wót nalěśa až do nazymy jadnogo lěta absolwěrowali. Tak daloko, tak derje! Rozměś pak se njamóžo, až toś ta tśeśa runda dej se zwězaś w měrcu 2017 rowno z kóńcom pśedchadneje sesony. To by groniło, až doněntajšna kóńcna tabela jo jano někaki mjazystaw.