Lube źiśi,

ja som pisała w pśedslědnem wudaśu, až cu futrowaś zwěrjeta w zymjem z kastanjami a majsom. Ja dejm něco dodaś. Pó kaznjach w Nimskej jo to zakazane. Samo pokutu musy ten płaśiś, kótaryž futrujo sarnje a źiwjaki! To płaśi za wšykne wětše zwěrjeta w góli. Jano ptaškam smějośo futer daś.

Ale drugu wěc móžośo cyniś za zwěrjeta. Wót kóńca oktobra zachopijo za někotare zwěrjeta to zymske spanje. Za to trjebaju wěsty schow. Źinsa njejo pak lažko taki schow namakaś. Jaden problem jo, až luźe kśě w gumnach wšykno „w rěchu“ měś. Rěch jo za luźi hynakša wěc ako za ježyki. Ježyki ga se wjasele wjele pyšnemu listoju. Kopica z lista jo za nich dobry schow w zymjem! Za takim schowom pytaju ježyki srjejź oktobra. To groni: něnto. Cośo jim pomagaś?

Gaž zgrabajośo list na kopicu, ga jo derje. Móžośo teke domcyk za ježyki wugótowaś w gumnje. Za to dajo material w lodach. Ale to źo lažćej. Wšak jo wšuźi něco namakaś za baslenje. Na co dejśo d glědaś?

Ten domcyk dej nutśi někak 30 × 30 cm wjeliki byś a 30 cm wusoki. Glědajśo na to, až njebuźo se pśed domom abo w domje wóda nazběraś, gaž se pada.

Co maśo cyniś