Ewangelskim Serbam we Łužycy a zwenka njeje jo Serbske ewangelske towaristwo zmakanišćo a duchowna domownja. Z wjelerakimi iniciatiwami skoboźi luźi, aby serbski powědali a źaržali na swóju maminu rěc. Serbske ewangelske towaristwo wobstoj wót 1994. Źinsa ma 45 cłonkow. Wó motiwaciji, wopśimjeśach a celach jo powědał Andreas Kirschke z nowym pśedsedarjom Matom Krygarjom. Wón jo naslědnik Měrćina Wirtha, kótaryž jo towaristwo 22 lět nawjedował.

Kněz Krygaŕ, kaku zagronitosć wótněnta změjośo?

Mato Krygaŕ: Jadnu wusoku zagronitosć. Slědkoju jo Měrćin Wirth towaristwo nawjedował wót załoženja 22 lět dłujko. To jo cynił z měrom, kontinuitu a wěcownosću. Wón ma wjelike zasłužby na nastaśu a wiwiśu towaristwa. Na to cu nawězaś a dalej wjele wót njogo wuknuś. Wót lěta 2001 pśisłušam pśedsedarstwu.

Za co cośo se konkretnje zasajźiś?