BÓŽE SŁOWO

Ty maš něco groniś!

Awtor: Ingolf Kschenka srjoda, 21. december 2016

Buź změrom! Ty ga njamaš how nic groniś! Lubše luźe, znajośo take grono?

Wjele luźi jo jo južo cesto słyšało doma abo w šuli. Dla togo su wóni śiche, mjelcate, njepśitupne. Wóni su nazgónili: „How ma něcht drugi to grono, a twójo myslenje njejo nic gódne“.

Ja pšosym źinsajšnu młoźinu, aby tu sadu dokóńcyli: „Chtož njepśiźo k słowu, ten...“. Wóni su wótegronili:

– „ten mógał se rozsćakliś!“

– „tomu jo wšojadno!“

– „ten cujo se pónižony!“

Slěźarje gronje: Chtož take stawnje dolabujo, ten schórjejo a hordujo agresiwny. Ten chójźi zamyslony, ze zmroconym hoblicom. Tužne duše pótrjebaju pótom wino abo druge srědnosći, aby swóju ból zabyli.

Ale ty, kralojske góle, njejźi pó tej droze! Wěŕ se z głosom powědaś! Ty to móžoš, w Bóžem mjenju! (Gaž cwiblujoš, ga wzej zaprědka kaž Mojzas bratša abo sotšu k pomocy).

artikel pógódnośiś
(0 )
Pšosym zalogujśo se, cośo-li komentar dodaś
 

Pśiźo k Wam do domu z postom
abo roznosowaŕ Wam jen pśinjaso

  • nejnowše powěsći wót serbskego žywjenja
  • tšojenja, reportaže, portreje, měnjenja
  • ze serbskich jsow a z města
  • wót 26,40 € na lěto

Nowy Casnik skazaś


połny pśistup za Nowy Casnik online a za e-paper

  • cełe wudaśe k lazowanju online
  • archiw slědnych wudaśow
  • fotografije woglědaś, artikele komentěrowaś
  • wót 14,40 € na lěto (za abonentow śišćanego wudaśa jano 9 €)

Nowy Casnik online skazaś