We njezjawnem źělu wobradowanja župnego pśedsedarstwa (glej powěsć zwjercha) jo šło wó bilingualnu wucbu na Dolnoserbskem gymnaziumje [pśispomnjeśe redakcije: šulski amt jo jim pśikazał, dwa facha až do abitury w serbskej rěcy wjasć]. Pśed župnym pśedsedarstwom stej powědałej pśedsedaŕ Serbskeje rady Torsten Mak a jeje cłonk Angela Šurmanowa (z tym zrownju stej wónej wucabnika gymnaziuma). Wónej stej rozkładowałej, až šula njejo z pśikazom šulskego amta wobjadna, a wucabniki su pśeśiwo njomu. Tšach jo, až ta bilingualna wucba njezmějo taki wužytk, ako se w amśe mysle, a serbski profil pśiźo změstymi do škódy – jo cłonk pśedsedarstwa Horst Adam nam wulicował.

Župne pśedsedarstwo njejo se k tym wuwjeźenjam dopozicioněrowało. Měnili su pak, až dej se namakaś kompromis, kótaryž buźo k lěpšemu serbskego profila šule. Dla teje wěcy deje se dalej ze šulskim amtom jadnaś.