Bórkowy/Burg. Wušej 200 tudy bydlecych jo se zejšło na tradicionalnu wobydlarsku zgromaźinu do Wendigojc gósćeńca (Deutsches Haus). W diskusiji jo se pokazało, až wobydlarjam wjele lažy na derjeměśu a dalšnem wuwiśu swójeje gmejny.

To słowo „woklapnica“ pśiśěgnjo luźi hejnak magnet. Mjazy prědnymi gósćimi jo kužde lěto Marcel Ziege ze swójimi pśijaśelami. „Ta woklapnica jo za mnjo wažna zgromaźina. How zgónijoš nejlěpše informacije z gmejny“, měni ten 40lětny wótwardowaŕ chórych. A acubi Valentin Mathow (17) zajmujo se za to, kak buźo se gmejna dalej wuwijaś. Wón jo narski, co buźo se groniś wó źěle wognjoweje wobory.