Pó jatšach zachopiju proby za noc powěsćow

Awtor: Kerstin Möbes srjoda, 19. apryl 2017
Prebislav ze swójeju lubku Linu w łońskich graśach. Mjaztym matej góle, ale stej roztyla, dokulaž Prebislav ma teke žeńsku. Lěc buźotej w lětosnych graśach zasej gromadu namakaś? Foto: K. Möbes

Bórkowy/Burg. Teke lětosa buźo w Bórkowach zasej noc powěsćow. Južo tśeśe lěto jo zarědowaŕ Serbski ludowy ansambel. Powěsć wót serbskego krala Prebislav zakóńcyjo se lětosa ze swójim tśeśim źělom pód titulom „Naźeja“. Pśedstajenja budu zasej Swětki (sobotu, 3. junija do pónjeźelego, 5. junija) na Grodowej górje w Bórkowach. Pětk njejo lětosa pśedstajenje.

Tšojenje zachopijo pótakem tam, źož jo se łoni kóńcyło. Syn wužoweje kralowki jo móc w Błotach na se stergnuł a pódtłocyjo lud. Prebislava, kótaryž jo wobtuženja dla swóju lubku spušćił, njejsu něźi namakali. Nykusowe intrigěruju. Bogowka pśisuda Mara tak ako lutka Jolka a Jorko wóstanu te jadnučke, kótarež wubuźiju naźeju, až wšykno buźo zasej w rěchu.

Napisała jo to tšojenje Serbowka Jěwa-Marja Čornakec.

artikel pógódnośiś
(0 )
Pšosym zalogujśo se, cośo-li komentar dodaś
 

Pśiźo k Wam do domu z postom
abo roznosowaŕ Wam jen pśinjaso

  • nejnowše powěsći wót serbskego žywjenja
  • tšojenja, reportaže, portreje, měnjenja
  • ze serbskich jsow a z města

Nowy Casnik skazaś


połny pśistup za Nowy Casnik online a za e-paper

  • cełe wudaśe k lazowanju online
  • archiw slědnych wudaśow
  • fotografije woglědaś, artikele komentěrowaś

Nowy Casnik online skazaś