„... a ße psched Bogom sagronisch“

Awtor: Peter Jannasch srjoda, 26. apryl 2017
Kjarliž Arndta „Geht und grabt mein Grab“, pśestajony wót Fryca Rochy. Nowe zakopowaŕske, 1910.

Na lětosnem 24. aprylu wótpócywa ceptaŕ, pěsnjaŕ a casnikaŕ Fryco Rocha južo 75 lět pód dernom. Ale na jogo rowje njerostu daniž tšawicki daniž strusacki, a mimoduce njezbadaju, až spijo tudy spomnjeśa gódny serbski luź pśi boce swójeje žeńskeje a jeju syna z manźelskeju.

Swóje mysli wó smjerśi – namakane w Korla Jordanowej zběrce Rochowych rukopisow z lěta 1931 – jo wobstarny, pśisamem 70lětny literat drastwił do krotkeje napominajuceje štucki:

Smjerś skoro k tebje stupijo

a njejo žeden cas śi dany,

na droze tebje nadejźo

srjejź žywjenja wubrany,

lěc gótowy ab nic, dejš hyś

a se pśed Bogom zagroniś.

Gnujuce słowa wó roztylahyśu běšo něga raz namakał Ernst Moritz Arndt (1769-1860) z kjarližom „Geht und grabt mein Grab“. Swójo serbske basnjenje jo Fryco Rocha stajił do kniglickow Nowe sakopowaŕske z lěta 1910. Prězy stoj Nakład a dostasch pla spißaŕa, a na b. 68 jo wobspomnjete: Þykne pschawa ma spißaŕ hobchowane.

artikel pógódnośiś
(0 )
Pšosym zalogujśo se, cośo-li komentar dodaś
 

Pśiźo k Wam do domu z postom
abo roznosowaŕ Wam jen pśinjaso

  • nejnowše powěsći wót serbskego žywjenja
  • tšojenja, reportaže, portreje, měnjenja
  • ze serbskich jsow a z města
  • wót 26,40 € na lěto

Nowy Casnik skazaś


połny pśistup za Nowy Casnik online a za e-paper

  • cełe wudaśe k lazowanju online
  • archiw slědnych wudaśow
  • fotografije woglědaś, artikele komentěrowaś
  • wót 14,40 € na lěto (za abonentow śišćanego wudaśa jano 9 €)

Nowy Casnik online skazaś