Wótegrono na Jurija Kocha (Nowy Casnik 12.04.2017)
Lazowarski list Jurija Kocha jo zachopjeńk diskusije, ak som se žycył. Doma se cesto wulicujomej, co jo górše ta realnosocialistiska diktatura abo diktatura kapitala. Wótegrono se wě njamamej.
Zachadnosć njejo daniž njaboga, daniž zajźona. „Musymy wěźeś, wótkul pśiźomy, gaž comy wěźeś, chto smy. Njejsmy jano my sami. Smy teke naš póchad“, groni Fulbert Steffensky. Serbski se jadnorje pšašamy, ceji ty sy.