Barliń/Berlin. Parlamentariska pśirada Załožby za serbski lud jo wobradowała 15. maja w Zwězkowem sejmje. Wót njezjawnego pósejźenja jo dostał Nowy Casnik někotare informacije.

Głowny tema jo była wucba serbskeje rěcy: Kak se pśesajźijo Witaj-projekt? Jo to pśesajźenje w dosegajucej měrje? Dajo dosć ceptarjow? Dajo dosć wucbnych knigłow a drugich materialijow? Serbske šulske towaristwo a kněžarstwje Bramborskeje a Sakskeje su jim ako zakład za diskusiju informacije pśigótowali. Ale tuchylu njejo parlamentariska pśirada ze stawom spokojom. „Za wobej stata jo śěžko realny staw pśedstajiś“, jo pśedsedaŕ pśirady Marko Šiman doněntejšnu diskusiju zespominał. Budu we dalšnem pósejźenju zasej wó tom powědaś a dalšne informacije pominaś.