Jo, znaśa serbskeje rěcy maju swój wužytk. To su wukniki bórkojskeje Zakładneje a wušeje šule „Mina Witkojc“ rowno nagónili. Wóne serbšćinarje 7. a 8. rědownjow su brali serbske powěsći na pask, a to w serbskej a nimskej rěcy. Nagrawanja su myslone za kólasowu turu „Na slědach błośańskich powěsćow/Auf den Spuren der Spreewälder Sagenwelt“.

Ideju za taku kólasowu turu su měli w Źěłowem wobłuku za turizm bórkojskego amta. Wuźěłał jo ten koncept acubi Sebastian Ahr. Na internetowem boku jo powěsćowa kólasowa tura južo dawno faworit. Něnto mógu wóni hyšći wěcej zgóniś wó swěśe powěsćow. W zwisku projekta „Turism zmaka šulu“ su wukniki powěsći a krotke bajki wó powěsćowych póstawach na pask górjej brali. Ze smartfonom mógu gósći wót něnta słyšaś powěsći, wó kótarež źo na turje za kólaso.

Domowina jo koordiněrowała ten projekt. Pódpěrała jo jen dolnoserbske kulturne towaristwo „Studnja“ z.t. a Rěcny centrum Witaj. Cogodla jo k tomu pśišło? To jo rozkładła Nicole Schlenger, wjednica Źěłowego wobluka turizm: