Turjej/Tauer. Domowinska župa Dolna Łužyca pśistupijo do Towaristwa za serbski kulturny turizm (SKL), kótarež ma swójo sedło w Slěpem. To su wobzamknuli cłon­ki župnego pśedsedarstwa na wob­radowanju srjodu tyźeń w gmej­n­skej wjažy, źož turjejska Domowinska kupka ma swóju śpu. Ta ideja jo nastała w běrowje Domowiny w měsće, we casu, ako su sobu źěłali na tu­ri­stiskej koncepciji za Bramborsku.

SKL su załožyli luźe, kótarež su spóznali, až ze serbskeju kulturu – pomnikami, drastwu, nałogami, swěźenjami atd. – móžoš woglědarjow pśiwabiś a stakim teke pjenjeze słužyś. Wjele turistow ga se interesěrujo za taku wósebnosć. A serbske luźe wót togo gibanja maju swój wužytk – jo rozkładowała Uta Henšelowa, regionalna powědarka Domowiny. Pśi tom se teke serbska rěc rozšyrja a bywa widobna a serbske pomniki bywaju dlej a wěcej znate.