Słuša to k tradiciji we jsach, kótarychž mě pozawnowy chor nosy, až na 1.jatšownem swěźenju teke jatšowne muzikaliske zuki se dostanu do wucha blisko cerkwje a Strjažojskeje zwónice bydlecych luźi. Na tom wažnem cerkwinem swěźenju ga jo wjele cłonkow togo ansambla ducy, nejmjenjej 15 žeńskich a mužow, aby ze žednymi tradicionelnymi kjarližami powěsć wó górjejstawanju Jezusa do domow nosyli. Něźi poł góźiny dłujko se pón na tśich městnach muzicěrujo, a to se zachopijo zeger napoł sedymich w Žylowje. A pśi tom jo wšojadno, lěc kněže južo nalětne temperatury abo tak ako lětosa samo hyšći take pód nullu.