Z Chóśebuza/Cottbus. Dnja 20. maja jo se Maśica Serbska w Serbskem domje zmakała na głownu zgromaźinu. Tam jo była rozpšawa wó slědnych wósym mjasecach. Jaden wjerašk teje doby jo była głowna a wólbna zgromaźina Maśice w septemberje 2021. Pśi tej góźbje jo historikaŕka Wencke Nebatzojc, absolwentka Dolnoserbskego gymnaziuma, powědała k temje „Kubłańska politika w Dolnej Łužycy w 18. stolěśu a Serby“. Wušej togo jo towaristwo měło wólby. Wuslědk jo był, až dr. Pětš Šurman jo nadalej pśedsedaŕ Maśice, a Antje Kellowa a dr. Hartmut S. Leipner stej teke zasej w pśedsedaŕstwje.

Dnja 30. nowembra 2021 jo było kóńc togo mjaztym pětego wupisanja myta „Bogumiła Šwjele“, a teke mytowu „Arnošta Muki“ a „Michała Hórnika“ za fachowe źěło k serbskej tematice z boka gymnaziastow studentow a studentkow (glědajśo k wuslědkoju do pśinoska górjejce).