Z Wulkich Hendrichecy/Großhennersdorf. 19. Nysowy filmowy festiwal, NFF, kótaryž jo se pśewjadł wót 17. do 22. maja w tśikrajowem rožku Sakskeje, Pólskeje a Českeje na 22. grajnych městnach, jo wuwabił 4.500 pśiglědowarjow pśed filmowe płachty. W nastupanju wuběźowanja jo se źaseś mytow pśepódało. Tak su se mjazy drugim wuznamjenili produkcija „Altri Cannibali“ a jeje głowny grajaŕ Walter Girodlini z jadneju pomjenowaneju figuru „Neißefische“.