Z Grodka/Spremberg. Spěchowański krejz za serbsku ludowu kulturu jo pśewjadł sobotu, 9. julija, swóju głownu zgromaźinu, a to w Grodku. Cłonki togo towaristwa su se zmakali, aby slědk glědali na swójo źěło w slědnych tśich lětach a wuzwólili nowe pśedsedaŕstwo. Pśed zgromaźinu su woglědali do Serbskeje tkajaŕskeje śpy w Drjowku, źož jo jich wjednica wjadła pśez wustajeńcu.