Nejžkrotša noc lěta jo mjazy 21. a 22. junijom. We tej nocy se słyńco zawrośijo. Drugi swěty źeń w juni jo źeń swětego Jana dnja 24. junija. Rostliny, kótarež něnto kwitu, mógu składowaś we se wjele swětła a śopłoty. Tym zelam jo se pśipisała wósebna móc. Smjerź (jańske zele, Hypericum perforatum) grajo wósebnu rolu. Dwě žeńsce stej Wam napisałej, kak móžośo z teje rostliny gójadła zgótowaś. Jadna jo Undine Janeccyna z Běłeje (pla Grodka). Wóna póbitujo informaciske drogowanja wó zělach a warjeńske kurse. Druga Friederike Böttcher z Nowego Města, wóna jo biolgiju študěrowała.

Źo a za co jo smjerź?

Smjerź jo ta nejžwěcej znata rostlina, kótaraž kwiśo w casu lěśojskego zawrośenja słyńca. We tom casu wótwórijo smjerź swóje złośane kwiśonki. To zele móžośo nadejś na kšomach drogow, pśi rědkich ke­rjaškach, nakłonjach a wótchytanišćach, abo hynźi. Jogo wucynk ako gójawka jo źinsa njewobcwiblowany. Šulska medicina wužywa smjerź ako alternatiwu za psychopharmaka. To zele ga jo dobre pśez depresije a rownocasnje změrujo.

Tej ze smjerźa