Z Carnego Gózda/Schwarzheide a Chóśebuza/Cottbus. 9. nowembra jo se w Domje kultury BASF Carny Gózd wótměł Forum Łužyca 2038, na kótaremž su se wobźělili dr. Robert Habeck, zwězkowy ministaŕ za góspodaŕstwo a energiju, ministaŕski prezident Sakskeje Michael Kretschmer a ministaŕski prezident Bramborskeje Dr. Dietmar Woidke. Forum Łužyca 2038 ako zwězk pśedewześow ze Sakskeje a Bramborskeje-Barlinja w kooperaciji ze Zjadnośeństwom zajmow a Zwězkom pśedewześarjow Pódzajtšneje Nimskeje a Barlinja zastupujo zajmy wěcej ako 22.000 małych a srjejźnych pśedewześow.

Zaměr Wugloweje komisije jo był, do lěta 2038 wuglowu industriju w Nimskej doceło zakóńcyś a z brunicu hyšći do lěta 2030 źěłaś. Nowe zwězkowe kněžaŕstwo pak jo to wuwiśe zasej do pšašanja stajiło.