Gaž se luźe pśecej kuždu tśeśu sobotu w mjasecu woglědaju w telewiziji rbb dolnoserbske telewokno „Łužyca“, pón mógu na kóńcu pśecej cytaś mjenja luźi, ako su zestajali ten pisany połgóźinski program. Pśi slědnej „Łužycy“ 18. junija jo było to nalicenje dlejše ako wacej. A to jo měło teke swóju zawinu. Tenraz ga njejsu tu moderaciju, ten ceły program južo pśed tym producěrowali, ale su to za wětšy źěl live originelnje wusćełali. A to jo se pominało wjele pśidatnych luźi – redaktorow, filmarjow, technikarjow a drugich.