Z Depska/Döbbrick. Teke w Depsku su 26. februara swěśili swój 139. zapust. Lětosa jo było 26 pórikow pódla, a za styrich wobźělnikow jo to samo był prědny zapust. Marissa Kasperojc, Franz Lemke, Luca Jordan a Tim Scharmacher su wordowali do depšćańskeje młoźiny pśiwzete. Ale teke za Henrija Šćepana jo to był prědny zapust ako nowy wjednik młoźiny. Wón jo lětosa nawjedował zapustowy śěg z chóžyšćom, aby z nim symboliski wugónił zymu. Su wustali na dogromady sedym stacijach pla wšakich sponsorow. W pśeśěgu njasu hodlarja sobu, kenž relatiwnje moderny wuglěda, ale z lěta 1894 póchada. Zapustowe towaristwo jo dostało hodlarja k źasetemu jubileumoju wót rucnikarjow. Sobotu ako njeźelu jo dujaŕska kapała nAund rozwjaseliła młoźinu, wjacor jo grała Liveband nAund w sportaŕskem domje.