Christina Kliemowa jo se dała swój eksemplar ned wót awtora Jürgena Maćija signěrowaś. Foto: K. P. 
Z Chóśebuza/Cottbus. Zajźony stwórtk jo Ludowe nakładnistwo Domowina (LND) gromaźe ze Serbskim muzejom do Bramborskego krajnego muzeja za moderne wuměłstwo (BLMK) pšosyło, aby pśedstajiłej nowe knigły Jürgena Maćija „Ducy domoj/Unterwegs nach Hause“. Wobrazowy zwězk jo wujšeł ako pśewóźowanje k wustajeńcy ze samskim mjenim, kótaraž jo Serbski muzej w Budyšynje k cesći 70. narodninow Jürgena Maćija we februarje 2023 wugótował.
Diese Seite drucken