Z Malmö/Malmö. Šwedska jo była gósćinaŕka lětosneje Eurovision Song Contest (ESC) pód motom „United by music“. Pó dwěma połfinaloma a pó wuzamknjenju hollandskego zastupnika jadnogo pózdatnego konflikta dla z jadneju pśistajoneju produkcije ESC jo było na finalu 11. maja jano hyšći 25 wobźělonych.

Dobyśaŕ lětosneje ESC jo spiwaŕ Nemo Mettler ze Šwicaŕskeje ze spiwom „The Code“, kótaryž jo był měšańca wšakich muzikowych stilow. Za nim su lětosa byli pó licbje dypkow Chorwatska, pótom Ukraina a Francojska.