Sobotu, 29. junija, buźo to tak daloko a europske mejstaŕstwo narodnych mjeńšynow w balokopanju EUROPEADA se wótwórijo w měsće Šleswig. Pódla budu mimo prezidenta FUENa (wugótowaŕka Europeady) Loránt Vince teke Stephanie Lose, góspodaŕska ministaŕka Dańskeje, ako patrona turněra Robert Habeck, wicekanclaŕ Nimskeje, a Daniel Günther, ministaŕski prezident Šleswig-Holštejnskeje. Pótom pśedstajiju se mjeńšynowe mustwa turněra na tamnjejšem športnišću. Njeźelu, 30. junija, se wótmějo prědny źeń graśa kupkoweje faze za 24 muskecych mustwow a 9 žeńskecych mustwow. Stwórtk, 4. julija, budu muske w běrtylfinale a žeńske w połfinale wójowaś. Muske graju hyšći pětk wó połfinale, nježlic až sobotu w Flensburgu rozsuźijo se, kótara mjeńšyna wzejo pokal europskego balokopaŕskego mejstarja sobu domoj. Wjele wuspěcha žycymy našyma serbskima mustwoma!

PŚEDRUNDA (kupka B)

Njeźelu, 30. junija, zeger 11:00

Serbske mustwo ___ : ___ Narodna

mjeńšyna Roma z Rumuńskeje

Pónjeźele, 1. julija, zeger 17:30

Serbske mustwo ___ : ___ Słowakske