Z Dešna/Dissen. Chož woglěda do Domowniskego muzeja w Dešnje, ten tam wósebnje we tom wenkownem źěle „Stary lud“ wiźi, kak su Serby a druge słowjańske ludy žywe byli pśed wjele towzynt lětami. Kak a co su wóni źěłali, kak su bydlili a kak su byli woblacone. Toś, móžoš glědaś do wjelgin starego casa, do starego dawnego swěta.

Ned pódla „Starego luda“ pak se woglědarjam a gósćam muzeja wótwórijo kradu hynakšy swět. Ned za płotom ga su zawrěte zwěr-jeta, ako pópšawem pśi nas doma njejsu. Ně, jich domownja jo kraj w Pódpołdnjowej Americe, ga Peru. Alpaka to su. To ga jo zasej kradu drugi kraj, kradu drugi swět, kótaryž se wótwórijo gósćam „Starego luda“, mimo togo, až muse za to něco zapłaśiś. To jo jadna z dalšnych młogich atrakcijow, ako Dešno swójim gósćam zbliska a zdaloka póbitujo.