Wót dweju lětowu jo Stefan Šurman manager měsćańskego źěla Nowy Chmjelow. Cele blisko jogo běrowa na Cužce móžoš se daś ku idyliskemu wótrězkoju groble, źož se skóro kaž we Błotach cujoš. 
Až w lětosnem septembrje swěśi chóśebuski bydleński wobceŕk Nowy Chmjelow 40. lěto swójogo wobstaśa, jo góźba, teke tamnego managera měsćańskego źěla a integraciskego managera pśedstajiś: Jo to Stefan Šurman, kenž jo rowno tak młody ako Nowy Chmjelow – ga 1984, w lěśe nastaśa togo bydleńskego wobceŕka, jo se wón w Chóśebuzu naroźił.
Diese Seite drucken