Dnja 5. nowembera togo lěta jo Rožamarja Šenkarjowa z Rownego swěśiła swój 90. narodny źeń. Jo była na wjele pólach radnje aktiwna a jo wšuźi zawóstajiła slědy swójogo statkowanja. Jo źowka znatego serbskego ludowego wuměłca Wylema Wěrika, a jeje sotša, znata spiwaŕka Ingrida Naglowa, jo jej była w žywjenju dobra towariška.

Rožamarja Šenkarjowa jo w młodych lětach źěłała ako serbska ceptaŕka, a jo za serbsku wucbu samo napisała wucbnicu. W lětach 1959 – 1967 jo wuwucowała dolnoserbsku rěc dorosćonym na Centralnej serbskej rěcnej šuli w Dešanku.

Serbska muzika, wósebnje ta ludowa a cerkwina, jo kšuty wobstatk statkowanja Šenkarjoweje. Z sotšu Ingridu jo sobu załožyła muzikowu kupku Judahej, w kótarejž jo wjele lět sobu spiwała.

Jo była kreatiwna pśi basnjenju a tekstowanju spiwow, ludowych abo źiśecych, a teke žedne kjarliže jo sama napisała abo pśełožyła do slěpjańšćiny abo dolnoserbšćiny. A njocomy zabyś na jeje basni za źiśi.