Z Wórjejc póchadajucy filmaŕ Dirk Lienig w rozgronje z kuratorom Daniel Kubik. Fota: K. P.Šarlota Kušcyc (nalěwo) z rěcneje šule jo wuknikoju DSG, Nestor Grišin, myto Akcija! za filmowu ideju pśepódała.Cełu šyrokosć zala w Glad-House su sobustatkujuce krotkich filmow wupołnili pó pśedstajenju „Łužyca shorts“.

Filmowy festiwal Chóśebuz jo swěśił lětosa južo swójo 34. wudaśe, a lěcrownož jo se wjele we tych lětach změniło, jo se mógał serbski publikum pśecej zasej wjaseliś na filmy wót Łužycanarjow a wó Łužycy ako tek wót Serbow a wó Serbach. Za to dajo sekciju „Heimat|Domownja|Domizna“, kótaraž ma wót togo lěta nowego kuratora, Daniela Kubika, medijowego a kulturnego wědomnostnika, kótaryž źěła ako ceptaŕ na Wochožańskej zakładnej šuli. Mjazy wjele dobrymi filmami jadnotliwe za sekciju wuzwólowaś, njejo jomu pśecej lažko padnuło – wósebnje mjazy tśimi Sami-filmami–, wulicujo w rozgronje. Šym źěkownjejšy jo za to był, až su pśiglědarje jogo za pśedstajenje gnujucego filma „Je’vida“ chwalili.