Z Lubina/Lübben. Zachadny stwórtk jo Załožba za serbski lud w zalu wokrejsnego sejma Dubja-Błota w Lubinje wobradowała. Wuslědki togo stej pśedsedaŕ rady Marko Kowar a direktor Załožby za serbski lud Jan Budar na medijowej konferency znate cyniłej. Ako nowu zastupnicu kraja Bramborskeje jo rada wobwěsćiła Cathleen Bürgeltowu, zagronitu partnaŕku za nastupnosći Serbow w Ministaŕstwje za wědomnosć, slěźenje a kulturu.