Z Brjazyny/Briesen. Nic jano město Chóśebuz musy z pśiběrajucymi licbami wuknikow licyś – teke amt Bórkowy (Błota). Až dajo wěcej wuknikow, to se teke wustatkujo na horty – dawno jo se dojśpiła granica kapacitow (Auslastungsgrenze).

Srjodu, 15. januara, su se toś zmakali gmejnske zastupniki z Brjazyny, Gór a Dešna-Strjažowa na zgromadne pósejźenje, aby powědali wó móžnosćach brjazyńskego horta. Tuchylu chójźi 214 źiśi do brjazyńskeje šule, za šulske lěto 2025/26 lice z jadnab 46 dalšnymi wuknikami.

Hort a šula słušatej gromadu a dejałej byś na jadnom městnje. Wšako njedosegaju rumnosći za hort w zakładnej šuli „Mato Kosyk“ w Brjazynje. Južo wót dweju lětowu jo ten problem bórkojskemu amtoju znaty. Gmejny su jen akle kóńc slědnego lěta na blido dostali.