Z Bórkow/Burg. Pó wjele lětach pśestawki jo swěśiła zakładna a wuša šula „Mina Witkojc“ Bórkowy (Błota) pětk, 21. februara, zasej zapust. Dolnoserbska tradicija k wugónjenju zymy a witanju śopłego nalěśa jo se wótměła slědny raz pśed wěcej ako 20 lětami na šuli. 30 swěźeńskich zdrastwjonych pórikow jo rejowało pó jsy a jo woglědało do rehacentruma, zastojnstwa a na swěśenišćo. Pśeśěg jo wjele pśiglědowarjow pśiwabił, kenž su se wjelgin zagórjone wó wóžywjenju tradicije pokazowali. Kóńc jo jajkowa jěza była. Šula źěkujo se wjele pomagajucym rukam, sponsoram a wobźělnikam.

Góńtwa za pšawym datumom