Budyšyn/Bautzen. Iniciatiwa Serbski sejm jo tudy w Kamjentnem domje pónjeźele tyźeń pśewjadła forum pód moto „Skobodnosć k demokratiji: Serbski dejm – prědny parlament Serbow“. To tšojenje jo se stało pśi góźbje 1. Budyšyńskich tyźenjow demokratije, a koncert kupki Barlinska droga a film „Hüter der Tundra“ stej jo wobrubiłej. Na głownem zgromadnem forumje jo se wobźěliło 60 luźi. Mjazy nimi jo młoźina mócnje zastupjona była. Pódla su byli mjazy drugim wópósłany do Sakskego parlamenta Hajko Kozel (Lěwica), wušy šołta Budyšyna Alexander Ahrens (mimo partaje) a pśiducy direktor Załožby za serbski lud Jan Budar. Dobre raźenje jo forumoju žycył cłonk Europskeje licheje aliance Bernat Joan i Mari z Katalańskeje.