Chóśebuz/Cottbus. Dla tog, až głowne myto we filmowej pśeglědce jo se dostało serbskemu filmoju Zmij – Der Drache, jo jury wusuźiła, až wósebne Myto Załožby za serbski film, dotěrowane z 1.000 euro, buźo se tenraz pósciś jadnomu drugemu filmoju, kótaryž njama direktnje nic ze serbskeju tematiku cyniś. A to stej ned dwa filma, ako se to myto źělitej.

Ten prědny film, wót Anny Carolin Arndt, ma titel RE:AW:RE:FW. Młoda žeńska ze śamneju kóžu wulicujo we njom wót nazgónjenjow z rasizmom mjazy kolegami na źěle. Wósebnje to cuśe njamócy a zranjenja jo derje pokazane. Drugi mytowany film ma titel Im Club – große Welt in kleiner Welt a wulicujo wót młoźinskego kluba w Lubnjowje, źož lubnjojska młoźina pśiźo do kontakta z młodymi wuběgarjami ze Syriskeje a Libana.