Janšojce/Jänschwalde. Rieses Dorfmarkt – to jo loda, kenž lětźasetki dłujko derje florěrujo. Luźe njepśidu how jano wuběrka wórow dla, ale teke dla mjazycłowjeskich kontaktow. Wósebnje te, ak doma nikogo njamaju, zmakuju se how z drugimi. W Rizojc loźe mógu chylku se pórozgranjaś a pśi tom to a druge zgóniś. Až buźo wobsejźarka Monika Rizowa zachopjeńk nowego lěta se na wuměńk sednuś, togo Janšowarje se bóje južor dlejšy cas. Pśeto žeden kupowaŕ njejo se namakał, ako by se ako jeje naslědnik góźił. Ta starosć jo była zagnana, ako su luźe słyšali slědujucu powěsć: Loda wóstanjo mimo pśestawki wótcynjona, pśeto gmejna ju kupijo a pśenajmjejo. Nowa najmarka lody jo fachowa pśedawarka, ak jo dłujke lěta we njej źěłała.