Nowe lěto jo hyšći cele młode, ale njeglědajucy na to se zasej pśigótujotej w serbskej Łužycy dwa woblubowanej nałoga. Na wjele městnach, wósebnje w Górnej Łužycy, se swěśi ptaškowa swajźba na 25. januarje. W Dolnej Łužycy se wurupniju swěźeńske drastwy k zapustoju (wugónjenje zymy). Serbski ludowy ansambel pokažo kužde lěto pśi tej góźbje wósebny program. Lětosa swěśi toś ten program wažny jubileum. Južo 60 lět dłujko zagórjujo SLA swój publikum pśi swójich turnejach pó Łužycy.

Toś taka „Dejmantna Ptaškowa swajźba“ jo se wě něco ceło wósebnego. To nejžlěpše ze 6 lětźasetkow Ptaškoweje swajźby/Zapusta daś publikomujo se wopowaś we spominanjach. Chor, orchester a balet SLA prezentěruju pisanu měšańcu woblubowanych spiwow, rozbuźecych rejow a sketšow połnych humora. To se wě, až na takej pšawej serbskej swajźbje ten póbratš njesmějo felowaś. Wón buźo wjasć pśez wjacorny program a pśinosowaś k powšyknemu zwjaselenju swajźbarjow.

Jurij Šiman, znaty serbski grajaŕ, rad pśewzejo toś tu specielnu rolu w lětosnem jubilejnem pśedstajenju.