Awtor Fryco Libo prezentěrujo wałtoru, 14. měrca, zeger 16:00 swóje nowe knigły ze serbskimi basnjami. Město jo Źěłanišćo za serbske kubłańske wuwijanje (ABC) we wili na Žylojskej droze 37. W Libowych basnajch źo wó domownju, serbojstwo a basnikarjenje, wó lubosć a smjerś, wó dušyne bóli a radosći, teke wó kumšty a směški. Ten roźony Mósćanaŕ, ako jo wuknuł serbski wót swójeje stareje mamy, jo wuchójźił Serbsku rozšyrjonu šulu a jo nawjedował 14 lět chóśebuski ABC.
Serbske blido: Dwě serbskej žeńsce63. Serbske blido Serbskego muzeja buźo źinsa (srjodu, 8. měrca), zeger 18:00 w Měsćańskem muzeumje na Dwórnišćowej droze 22. Moto jo „Serbskej žeńsce – kak wobwliwujotej žywjenje we Łužycy źinsa?“ Gósća stej něgajšna wjednica Šule za dolnoserbsku rěc a kulturu Marja Elikowska-Winklerowa z Chóśebuza, a nowa wjednica Uta Henšelowa z Lubnjowa. Wónej wulicujotej wó źěłowych nazgónjenjach.