Łoni su wuwitali w měsće wokoło 800 kupkow z turistami z něźi 31.000 luźimi. Mjazy nimi jo było wušej 50 kupkow ze susedneje Pólskeje a jich licba dalej pśiběra. 160 raz su slědne lěto wjadli turistow a gósći pó měsće a pśi tom su wóni teke wšake zgónili wó Serbach a wó serbskem žywjenju w měsće.

Měsćańske „jsy“ sobu gótuju

Nic jano we wokrejsach Dolneje Łužyce se jsy a wjaski wobźěliju pśi wuběźowanju „Naša wjas ma pśichod“. Teke něgajšne samostatne jsy na kšomje města, ako su něnt městoju pśibite, sobu gótuju a wó prědne městna a dobyśe wójuju. Za lětosne take wuběźowanje su se pśipowěźeli mjazy drugim Rogozno, Kórjeń, Škódow, Depsk a Šlichow. Tej slědnej měsćańskej źěla stej južo zapódałej na měsćańske zastojnstwo swóje pódłožki. Na swójom pósejźenju w nowembrje co pón měsćański parlament nej-lěpšych pócesćiś. Žarjabnica Sprjewja-Nysa to wšo pódpěrujo.

W młodowni raźi pśenocuju