Wjele lawreatow z Dolneje Łužyce

Von Gregor Wieczorek Mittwoch, 18. Oktober 2017
Margot Hašcyna z Drjenowa (druga paršona wót lěwego boka) słuša k styrjom lětosnym lawreatam Myta Domowiny. Dolnołužyski župan a zastupny pśedsedaŕ Domowiny Wylem Janhoefer, šef Domowinskego běrowa w Chóśebuzu Marcus Końcaŕ a cłonki mytowańskego wuběrka (mjazy nimi Uta Henšelowa a Franciska Albertowa) su ju a drugich lawreatow pětk w Serbskem domje w Budyšynje pócesćili. Foto: Maćij Bulank

Budyšyn/Bautzen. Lětosne lawreaty Myta Domowiny a Cesnego znamuška Domowiny su wordowali pócesćone pětk w Serbskem domje. Wóni su swóje wuznamjenjenja dostali z rukowu zastupnego pśedsedarja Domowiny Wylema Janhoefera a cłonkow mytowańskego wuběrka.

K lawreatam Myta Domowiny słuša Margot Hašcyna z Drjenowa, serbska ceptarka na wuměńku. Wuběrk jo cesćił jeje angažement k lěpšemu serbskego šulstwa a serbskeje wucby w Dolnej Łužycy. Wóna organizěrujo sobu serbsku olympiadu, jo cłonk pśedsedarstwa Serbskego šulskego towaristwa, źož zastupujo interese Dolneje Łužyce. Wóna pomoga w serbskich źiśownjach w Žylowje a měsće, źož hospitěrujo nanejmjenjej raz na lěto w kuždej kupce a raźi wótkubłarkam, kak mógu swóju rěc pólěpšyś. 1997 jo organizěrowała prědny kurs za wótkubłarki.Wušej togo jo cłonk dolnoserbskeje rěcneje komisije, źěła we nadawku ABCeja na ramowych planach za serbsku wucbu, jo fachowa raźiśelka w serbskich šulach. Wóna jo sobu napisała wucbne knigły a druge wucbne materialije, jo se angažěrowała za dalejkubłanja wótkubłarkow.

(0 )
Bitte anmelden, um einen Kommentar zu posten
 
  • Zustellung der Wochenzeitung durch einen Zusteller oder durch die Post
  • Unsere Zeitung ist ein Muss für jeden, der sich für die Sprache, Kultur und den Alltag des autochthonen slawischen Volkes interessiert.
  • für 26,40 € jährlich

Zeitung bestellen

  • voller Zugang zu Nowy Casnik online und zum E-Paper
  • zusätzliche Funktionen (Archiv, Kommentieren, Bewerten, als PDF speichern)
  • für 14,40 € jährlich (für Abonnenten der gedruckten Ausgabe nur 9 €)

Zugang bestellen