Pśedsedaŕ Serbskeje rady Torsten Mak tšubi alarm: Nowe wustawjenje za serbsku wucbu (Sorben-Wenden-Schulverordnung) móžo serbskej wucbje wjelgin zeškóźeś a naslědku wjasć k smjerśi Dolnoserbskego gymnaziuma.
Wót zachadnego tyźenja maju serbske zastupniki aktualnu wersiju wustawjenja za serbsku wucbu, kótarež jo bramborske ministarstwo za kubłanje dowuźěłało a dej skóro nowej ministarce za kubłanje Briśe Ernstowej (SPD) k pódpisanju prědk połožyś. Buźo-li wóno we tej formje wobzamknjone, ga buźo to katastrofa za serbski lud – warnujo Mak we rozgronje z Casnikom.
*