PŠAŠATA RĚPA

Wót zmakanja serbskich familijow we Wjerbnje

Von Stefanie Krawcojc Mittwoch, 18. Oktober 2017
Tak rědnje smy na našom slědnem zmakanju pjakli klěb na kijašku z našymi małymi. To jo było wjelgin rědne wótpołdnjo. Foto: M. N.

Lube źiśi.

cu Wam źinsa pisaś wót jadnogo zmakanja familijow. Zmakanje familijow, to znajośo, nic ga? Cesto ga se starjejše zmakaju z drugimi. Wy źiśi móžośo zgromadnje grajkaś, gaž se derje rozmějośo. Gaž se njerozmějośo, ga njebuźo to zmakanje tak spódobne. Waše mamy a nany maju se pśi takich góźbach wšake wulicowaś.

Take zmakanje teke dajo za familije z mjeńšymi źiśimi, źož na serbski powědaju. Slědne take zmakanje jo było sobotu, 30. septembra. Na njo jo pšosyła luba śota we Wjerbnje. Jej se groni Franciska Albertowa. Z familiju bydli na kšasnem dwórje. Zaměr jo był, až starjejše mógu mjazy sobu serbske powědaś. To wótpołdnjo jo se pśewjadło z pomocu Rěcnego centruma Witaj w měsće. Wót togo centruma jo pśijěła dr. Madlena Norbergowa. Wóna jo wšym źiśam sobu pśinjasła zešywk „Rufus a złoźej“. Pódla su tśi familije byli. Źiśi su pjakli klěb na kiju, wogeń jo był, z balom su kopali a we zagroźe su se wopóznali ze zwěrjetami a rostlinami. Wósebny zajm su granki (wino) wubuźili. Hm, su rowno zdrjałe byli! Cełe wótpołdnjo su tam pśepórali.

(0 )
Bitte anmelden, um einen Kommentar zu posten
 
  • Zustellung der Wochenzeitung durch einen Zusteller oder durch die Post
  • Unsere Zeitung ist ein Muss für jeden, der sich für die Sprache, Kultur und den Alltag des autochthonen slawischen Volkes interessiert.
  • für 26,40 € jährlich

Zeitung bestellen

  • voller Zugang zu Nowy Casnik online und zum E-Paper
  • zusätzliche Funktionen (Archiv, Kommentieren, Bewerten, als PDF speichern)
  • für 14,40 € jährlich (für Abonnenten der gedruckten Ausgabe nur 9 €)

Zugang bestellen