Prastare byśe lutkow – Lutkowy kamjeń pla Mukwarja

Von Werner Meschkank Mittwoch, 15. November 2017
Małe lutkowe gjarnce. Fota: Werner Měškank

W góli mjazy Noweju Darbnju (Neudöbern) a Mukwarjom (Muckwar), něźi kilometer na połudnjo wót Mukwarja, nadejźomy samotny śamny kamjeń. Kólasarska sćažka wjeźo jano pór metarjow dalej mimo njogo. Zanjasony kamjeń jo jaden z mało zachowanych, kenž jo zawóstajony na swójom městnje. Pśez slědnu lodowu dobu z lodojcami k nam pśisuwane pólne a zanjasone kamjenje su zwětšego skandinawiskego póchada. W 19. a 20. stolěśu bu bejna mań z nich rozbuchnjona a rozklapana. Luźe su je wužywali za twaŕ domow a drogow.

„Lutkowy kamjeń“ pla Mukwarja pak jo wóstał njeznicony za zdaśim dla pśiwěrki, až tam lutki bydle. Nimce jomu gronje połserbski „Luttchenstein“. Lutki ga su pó serbskej pśiwěrje se žywili w górkach, starych bomach a pód takimi wjelikimi kamjenjami. Serby su z lutkami bydlili w dobrem sused-stwje. W powěsćach se mjazysobu pomogaju. Až lutki su se wót Serbow wótergi źěže wupóžycali, gaž su pjakli, wulicujo se w powěsćach.

(0 )
Bitte anmelden, um einen Kommentar zu posten
 
  • Zustellung der Wochenzeitung durch einen Zusteller oder durch die Post
  • Unsere Zeitung ist ein Muss für jeden, der sich für die Sprache, Kultur und den Alltag des autochthonen slawischen Volkes interessiert.
  • für 26,40 € jährlich

Zeitung bestellen

  • voller Zugang zu Nowy Casnik online und zum E-Paper
  • zusätzliche Funktionen (Archiv, Kommentieren, Bewerten, als PDF speichern)
  • für 14,40 € jährlich (für Abonnenten der gedruckten Ausgabe nur 9 €)

Zugang bestellen