„Ten mjeńšy pótrjeba dlejšy jabrik, aby płody na bomje dosegnuł“Projekt „Audiovisuelne derbstwo wobzwarnowaś“Digitalizěrowanje jo droge, trajne składowanje wjelickeje licby datow tekeWjerśenje filmow kóštujo, to njamóžo serbska załožba njasćKurator Serbskego muzeja w měsće Werner Měškank jo wótwórił sympozium ze zakładnym gronom, tak pomjenjonym key note, ak jo dejał pśisłucharje k pśemyslenju pógnuś. Wón jo pokazał na asymetriju pśi spěchowanju nimskich a serbskich pótrjebnosćow a jo wulicował wót wjelikeje proce a wiselnosći, z kótarejuž serbski lud musy se pilnowaś wó pśipóznaśe swójich pšawow. Serbski lud jo wóstał pśecej loyalny a měrny, serbske procowarje su wójowali wó swóje nastupnosći z kulturneju, a nic kriminelneju energiju, kaž jo se to we drugich regionach Europy a swěta stało. Měškank jo citěrował chóśebuskego wušego promšta Reinhardta Richtera, kótaryž jo chwalił, až serbski lud na pódtłocowanje njejo žednje z bronimi a mócu reagěrował a jo stakim swóju źělbu wugbał za zgromadne žywjenje we měrje.