Pśepokazuju se zjawnje, źož jano kuli mógu

Pśedsedarstwo kradu na to glěda, aby rybakarje se prezentěrowali zjawnosći pśi kuždej góźbje. Łoni jo se to stało mjazy drugim na wjelikem domowniskem swěźenju Bórkojskego amta w awgusće. Tam su se wobźělili na pśeśěgu a teke pokazowali, kak se ryby łoje a co to słowo „rybakarstwo“ źinsa groni. Tejerownosći na bramborskem žnjownem swěźenju w Radušu zachopjeńk septembera su se pśepokazali, a to gromaźe z lubinskimi rybakarjami (te same maju swójo towaristwo). „To jo ta pšawa kšoceń, ako nam derje góźi“, jo pśedsedaŕ Lehmann tu zgromadnosć wjelgin chwalił.

Mjenjej raźony jo był źeń towaristwow Bórkojskego amta, ak jo se wugótował ako źěł swěźeńskego tyźenja pśi góźbje domowniskego swěźenja w awgusće. Tam jo wjelgin małko luźi pśišło, což njejo źiwne, pśeto to jo była srjoda a srjejź tyźenja luźe źěłaju. Jano małka licba turistow jo sebje to tšojenje woglědała – jo Lehmann skjaržył.