Serbski muzej w Chóśebuzu jo kazał 24. januara wjacor zasej na rozgrono k wósebnej temje. Jo tenraz šło w ramiku rěda „Serbske blido“ wó šulske póstajenje, kótarež jo južo połtera lět tema w dolnoserbskej zjawnosći. Ako wósebny gósć jo Torsten Mak, pśedsedaŕ Serbskeje rady, tym 14 dalšnym pśibytnym rozpšawił wót serbskego šulskego póstajenja (Sorben-/WendenSchulVerordnung, SWSchulV) a dalšnych póstajenjow.