Nowy pśewódnik za Łužycu – to jo zajmna wěc teke za nas domorodnych. Dokulaž chtož rad swóju domownju wuzgónjujo, starcyjo tam snaź na jadnu abo drugu nowosć abo nuglišk, kenž jomu hyšći njejo tak znaty. Zajmne jo teke pśecej, kak druge wót wenka na dawno znate wěcy glědaju.

Stawizny, aktualne informacije, zajmnostki a wótwórjeńske case muzeumow kraja abo regiona w knigłach zgromaźone – to jo wužytna wěc za drogujucych, mysle se nakładnistwa a śišće kužde lěto cełu licbu nowych pisanych pśewódnikow. Nowy pśewódnik za Łužycu, wudany wót nakładnistwa Mitteldeutscher Verlag z města Halle, kenž jo zachopjeńk lěta wujšeł, ma titel: „Lausitz. Die 99 besonderen Seiten der Region.“ Napisała jo jen awtorka Almut Phillip. Kapsne knigły maju 159 bokow z wjele wobrazami a płaśe 12,99€.